Surxondaryo viloyati Ichki ishlar boshqarmasi rahbariyati tomonidan Jarqoʻrgʻon tumanida tungi faoliyat, kuz-qish mavsumiga tayyorgarlik jarayonlari oʻrganildi
2025-11-11 10:00:00 / Yangiliklar
Tadbir Prezidentimizning 2025-yil 3-yanvardagi PQ–1-son qarorlari ijrosini taʼminlash, jinoyat va huquqbuzarliklarni oldini olish hamda aholi osoyishtaligini mustahkamlashga qaratildi.
Dastlab, viloyat IIB boshligʻi polkovnik Timur Ismailov “Yangi Oʻzbekiston” mahallasi profilaktika inspektorining xizmat faoliyati bilan tanishib, jinoyat va huquqbuzarliklarni oldini olish, fuqarolar xavfsizligini taʼminlash borasida yaratilgan sharoitlar koʻzdan kechirildi va “Qalqon” jamoatchilik tuzilmasiga yoʻriqnoma oʻtkazdi.
Mazkur mahallada, tungi xizmatga jalb yettilik, qish mavsumi shtabi aʼzolari va jamoatchilik bilan suhbatlashilib, mahallani raqamlashtirish ahvoli oʻrganildi, jinoyatchilik taqdimoti koʻrilib “ijtimoiy profilaktik” tadbirlarni manzilli tashkil etish boʻyicha topshiriqlar berildi.
Shuningdek, ushbu mahallada joylashgan “Yangi Oʻzbekiston” mahallasida joylashgan “Surxondaryo viloyat issiqlik taʼminoti MCHJ” RK-5 markaziy qozonxonasi faoliyati bilan tanishildi.
Shundan soʻng, “Surhon sohili” mahallasida joylashgan “Inmart” savdo markazida tungi xizmatga jalb qilingan xodimlar bilan jinoyat va huquqbuzarliklarni oldini olish, borasida olib borilayotgan ishlar hamda sohaviy xizmat rahbarlari bilan kelgusida amalga oshirilishi lozim boʻlgan ishlar yuzasidan yoʻriqnoma oʻtkazildi.
Shuningdek, “Mehnat-rohat” mahallasi profilaktika inspektorining xizmat faoliyati bilan ham tanishilib, jinoyat va huquqbuzarliklarni oldini olish, fuqarolar xavfsizligini taʼminlash borasida yaratilgan sharoitlar koʻzdan kechirildi.
Mazkur mahallada, tungi xizmatga jalb etilgan yettilik va jamoatchilik bilan suhbatlashilib, mahallada jinoyatchilikni barvaqt oldini olish boʻyicha taqdimoti koʻrilib, profilaktik ishlarni manzilli oʻtkazish boʻyicha qoʻshimcha topshiriqlar berildi.
Mazkur mahallada joylashgan Tibbiyot birlashmasida tungi navbatchilik faoliyati, kuz-qish mavsumiga tayyorgarlik ishlari oʻrganilib, aniqlangan kamchilliklarni bartaraf etish yuzasidan tegishli koʻrsatmalar berildi.
Oʻrganish davomida, Prezidentimizning PQ–1-sonli qarori ijrosi hamda “Kibermadaniyatni yuksaltirish” oyligi doirasida mahalla yettiligi bilan hamkorlikda amalga oshiriladigan ishlar boʻyicha tavsiyalar berildi.
Oʻrganish yakunida aniqlangan kamchiliklarni bartaraf etish boʻyicha viloyat va shahar IIB masʼullariga tegishli koʻrsatmalar berildi.
Hozirda viloyatning barcha hududlarida aholi osoyishtaligini taʼminlash va jinoyatchilikning oldini olishga qaratilgan tungi faoliyat ishlari izchil davom ettirilmoqda.
Surxondaryo viloyati IIB Axborot xizmati