IIV Akademiyasi kursantlari bilan kasbiy koʻnikmalar markazida sayyor mashgʻulot oʻtkazildi
2025-11-08 19:00:00 / Yangiliklar
Qizlarni barkamol voyaga yetkazish, kasb-hunarli qilish, oilaviy hayotga tayyorlash jamiyat farovonligiga xizmat qiladi.
Respublika kasbiy koʻnikmalar markazida tashkil qilingan sayyor mashgʻulot shu jihati bilan muhim boʻldi. Shu kuni IIV Akademiyasida taʼlim olayotgan kursant qizlar markaz faoliyati bilan yaqindan tanishdilar.
Markaz direktori Aygul Sattarova aholi bandligini taʼminlash, kambagʻallikni qisqartirish, xalqimizning turmush farovonligini yuksaltirish davlatimizning doimiy eʼtibor markazida ekanini taʼkidlab, bu yerda yaratilgan shart-sharoitlar, ulkan imkoniyatlar haqida maʼlumot berib oʻtdi.
Shundan soʻng qisqa muddatli oʻquv kurslarini muvaffaqiyatli tamomlagan kursantlarga sertifikatlar topshirildi.
Tomonlar oʻzaro hamkorlikni, yoshlar oʻrtasida oilaviy qadriyatlarni mustahkamlashga qaratilgan tadbirlarni izchil davom ettirishga kelishib oldilar.
IIV Akademiyasi Axborot xizmati