Buxoro shahrida oʻtkazilgan Aralash jang sanʼati boʻyicha viloyat chempionati musobaqalari yakuniga yetdi
2025-11-09 10:45:00 / Yangiliklar
Buxoro shahridagi “Amir Temur” sport klubida 18–20 yosh hamda 21 yoshdan kattalar oʻrtasida Buxoro viloyat chempionati musobaqalari yakuniga yetdi.
Musobaqada 100 dan ortiq sportchi 10 ta vazn toifasida oʻz mahorat va kuchini namoyish etdi.
Musobaqaning maqsadi, yosh iqtidorlarni kashf etish va dekabr oyida Toshkent shahrida boʻlib oʻtadigan Oʻzbekiston chempionatiga nomzodlarni saralashdir.
Tadbirda Buxoro viloyati hokimi, viloyat Ichki ishlar boshqarmasi boshligʻi hamda huquqni muhofaza qiluvchi organlar rahbarlari ishtirok etdi.
Chempionat yakunida gʻolib va sovrindorlar diplom, medal va esdalik sovgʻalari bilan taqdirlandi.
Buxoro viloyati IIB Axborot xizmati