Sportning voleybol turi boʻyicha oʻsmirlar oʻrtasida “Toshkent shahar kubogi“ musobaqasining final bosqichi yakunlandi
2025-11-08 09:00:00 / Yangiliklar
Sportning voleybol turi boʻyicha “U-18” oʻsmirlar oʻrtasida Ichki ishlar vazirligiga qarashli “Jar” sport-sogʻlomlashtirish majmuasida Toshkent shahar kubogi musobaqasi oʻtkazildi. Unda jami 12 ta (5 ta qizlar va 8 ta oʻgʻil bolalar) jamoa qatnashdi.
Uch kun davom etgan shiddatli va qiziqarli bellashuvlarda 300 nafar oʻgʻil va qizlar ishtirok etib gʻoliblik uchun kurash olib borishdi. Final bosqichiga chiqqan jamoalarning gʻoliblik uchun kurashlari ham murosasiz, sport ruhiga toʻla, qatʼiylik va keskinlik tarzida oʻtdi.
Yakuniy natijalarga koʻra oʻgʻil bolalar oʻrtasida: 1-oʻrin Chilonzor tumani, 2-oʻrin Mirzo Ulugʻbek tumani, 3-oʻrin Mirobod tumani jamoalariga nasib etdi.
Qizlar oʻrtasida: 1-oʻrinni Mirzo Ulugʻbek tumani, 2-oʻrinni Yunusobod, 3-oʻrinni Chilonzor tumani jamoalari egalladi. 1-oʻrinni egallagan jamoalar respublika chempionatida qatnashish huquqini qoʻlga kiritishdi.
Gʻolib va sovrindorlar Oʻzbekiston respublikasi Voleybol federatsiyasi Toshkent shahar boshqarmasi rahbariyati tomonidan diplom va esdalik sovgʻalari bilan taqdirlandilar.
Mazkur musobaqa yoshlarimizni sportga ishtiyoqini oshirish, sogʻlom turmush tarzini targʻib etish Toshkent shahrida voleybol sportini yanada ommalashtirishga qaratilgan boʻlib, yoshlarni boʻsh vaqtlarini mazmunli oʻtkazish, jismonan va ruhan chiniqtirish, sogʻlom fikrlashga oʻrgatish yoʻlida muhim qadam boʻlib xizmat qiladi.
Toshkent shahar IIBB Axborot xizmati