IIV Malaka oshirish institutida jinoyatchilik va korrupsiyaga qarshi kurash boʻyicha amaliy mashgʻulotlar oʻtkazilmoqda
2025-11-07 12:15:00 / Yangiliklar
Ichki ishlar vazirining farmoyishiga asosan Malaka oshirish institutida barcha tuman (shahar) ichki ishlar organlari boshligʻining birinchi oʻrinbosari – tezkor-qidiruv xizmati boshliqlari bilan oʻquv yigʻini tashkil etildi.
Oʻquv yigʻiniga jalb qilingan institut professor-oʻqituvchilari va sohaviy xizmatlarning mutaxassislari tomonidan xizmat faoliyatidagi muammolarning yechimlari, shaxsiy tarkibni samarali boshqarish, jinoyatchilik va korrupsiyaga qarshi kurashish hamda jamoat xavfsizligini taʼminlash boʻyicha ilgʻor tajribalar asosida mashgʻulotlar tashkil etilishiga asosiy eʼtibor qaratilmoqda.
IIV Malaka oshirish instituti Matbuot xizmati