Eng ulug‘ bayram, eng aziz ayyom – Bosh qomusimiz qabul qilinganining o‘ttiz ikki yillik shodiyonasi munosabati bilan Favqulodda vaziyatlar vazirligi barcha harbiy xizmatchilari, qutqaruvchi va xizmatchilarini, ta’lim muassasalari professor-o‘qituvchilari hamda tinglovchi talabalarini, shuningdek, xizmat burchini bajarish chog‘ida halok bo‘lgan xodimlarning oila a’zolarini, faxriylarni samimiy muborakbod etaman.

O‘zbekiston Respublikasi Konstitutsiyasi xalqimiz siyosiy-huquqiy tafakkurining yorqin ifodasi sifatida demokratik davlat va kuchli fuqarolik jamiyatini barpo etish, aholining erkin va obod turmushini ta’minlash, mamlakatning xalqaro maydondagi obro‘-e’tiborini yuksaltirish hamda barcha sohalarda islohotlarni muvaffaqiyatli amalga oshirishda mustahkam poydevor bo‘lib xizmat qilmoqda.

Yurtimiz taraqqiyotining yangi bosqichida xalqimizning tinch va farovon hayoti uchun ishonchli kafolat bo‘lgan Bosh qomusimizni bugungi davr talablariga mos holda, eng muhimi, fuqarolarimiz xohish-irodasi va fikri hamda mamlakatimizda olib borilayotgan islohotlarning bosh maqsadi bo‘lgan “Inson — jamiyat — davlat” tamoyili asosida haqiqiy xalq Konstitutsiyasiga aylantirish ishlari izchil amalga oshirilmoqda. Joriy yilda “Konstitutsiya - erkin va farovon hayot garovi!” bosh g‘oyani o‘zida mujassam etgan tashkiliy-amaliy hamda ma’naviy-ma’rifiy tadbirlar samarali tashkil etilmoqda.  Mamlakatimizda muhtaram Prezidentimiz rahbarligida inson huquq va erkinliklarini qonuniy himoya qilish bo‘yicha salmoqli ishlar amalga oshirilmoqda. Amalga oshirilayotgan keng ko‘lamli islohotlar natijasida xalqimiz farovonligi, yurt taraqqiyoti yanada yuksalmoqda. Bosh qonunimizni chuqur o‘rganish, anglash, hayotga joriy etish va unga so‘zsiz amal qilish – barchamizning sharafli burchimizdir.

Fursatdan foydalanib, ayyom munosabati bilan Sizlarga mustahkam salomatlik, oilaviy farovonlik, dasturxoningizga qut-baraka, sharafli vazifangizda omad va muvaffaqiyatlar tilagan holda, Bosh qomusimiz qabul qilinganligining 32 yillik ayyomi munosabati bilan qizg‘in muborakbod etaman!

Ushbu qutlug‘ kunda xalqimiz farovonligini ta’minlash, fuqarolarni o‘z vaqtida ogohlantirish, qutqarish va yordam berishdek mas’uliyatli va sharafli xizmatlaringizda ulkan zafarlar yor bo‘lsin.  

Ulug‘ ayyom barchamizga muborak bo‘lsin!

                                                                                                                     Hurmat bilan,

                                                                                                                      Vazir

                                                                                                                             general-mayor  A.Qo‘ldoshev