Favqulodda vaziyatlar vaziri Azizbek Ikramov Qozoğistonning Çimkent şahrida bölib ötgan tabiiy va texnogen xususiyatli favqulodda vaziyatlar böyiça Davlatlararo kengaşning XXXVIII yiğilişida nutq sözladi
2026-11-13 16:35:00 / Yangiliklar

Ta’kidlaş joizki, Davlatlararo kengaş yiğilişlarida an’anaviy tarzda MDHga a’zo davlatlarning favqulodda vaziyatlar böyiça mas’ul idoralari rahbarlari iştirok etadi. Mazkur tadbir iştirokçi davlatlarning qutqaruv idoralari mutaxassislari örtasida tajriba almaşiş, aholini va hududlarni favqulodda vaziyatlardan muhofaza qiliş borasida idoralararo hamkorlikni mustahkamlaş hamda uşbu yönalişda yangi taşabbuslarni ilgari suriş uçun samarali muloqot maydoni hisoblanadi. Yiğilişda Özbekiston Respublikasi Favqulodda vaziyatlar vaziri Azizbek Ikramov ham ma’ruza bilan iştirok etdi. Vazir öz nutqining boşida Özbekiston Respublikasi Prezidenti Şavkat Mirziyoyev tomonidan aholini va hududlarni favqulodda vaziyatlardan muhofaza qiliş sohasiga qaratilayotgan alohida e’tibor haqida töxtalib ötdi. Davlatimiz rahbarining farmon va qarorlari asosida Favqulodda vaziyatlar vazirligi tizimida keng kölamli islohotlar amalga oşirilayotgani qayd etildi. Uşbu islohotlarning asosiy maqsadi favqulodda vaziyatlarga javob qaytarişdan ularning oldini oliş, xavf-xatarlarni barvaqt aniqlaş va inson hayotini asrab qolişga ustuvor ahamiyat qaratişdan iborat ekani ta’kidlandi. Mazkur yondaşuv öz samarasini berib, favqulodda vaziyatlar sonining kamayişiga xizmat qilayotgani alohida qayd etildi.
Şuningdek, vazirlikning moddiy-texnik bazasini modernizatsiya qiliş, kadrlar salohiyatini yangi sifat bosqiçiga olib çiqiş borasida amalga oşirilayotgan işlar haqida ma’lumot berildi. Jumladan, FVV Akademiyasining transformatsiya qilinişi, uning faoliyati xalqaro standartlarga muvofiq yangi vazifa va imkoniyatlar bilan kengaytirilgani bunga misol sifatida keltirildi. Öz nutqi davomida general-mayor Azizbek Ikramov MDH davlatlari örtasida aholini va hududlarni favqulodda vaziyatlardan muhofaza qiliş sohasidagi hamkorlikni yanada kuçaytirişga qaratilgan qator takliflarni ham ilgari surdi. Bildirilgan taşabbuslar yiğilişning boşqa iştirokçilari tomonidan iliq kutib olindi. Bundan taşqari, yiğiliş doirasida favqulodda vaziyatlar böyiça idoralar rahbarlari forum maydonida taşkil etilgan maxsus texnikalar körgazmasi bilan ham yaqindan tanişdilar.









