Favqulodda vaziyatlar vaziri general-mayor Azizbek Ikramov tomonidan qahramon qutqaruvchining oilasiga yangi xonadon topshirildi
2026-08-29 11:35:00 / Yangiliklar
Qashqadaryo viloyatining Koson tumanida Vatanimiz mustaqilligining 35 yilligi arafasida xizmat burchini bajarish chogʻida qahramonlarcha halok boʻlgan marhum oddiy askar Omonturdiyev Eldor Ismoil oʻgʻlining oilasiga barcha qulayliklarga ega zamonaviy yangi 3 xonali xonadon kaliti tantanali ravishda topshirildi.
Mazkur ezgu tashabbus Vatan va xalq manfaatlari yoʻlida fidokorona xizmat qilgan qahramonning xotirasiga koʻrsatilayotgan yuksak ehtiromning amaliy ifodasi boʻldi.
Yangi xonadonning topshirilishi marhum qahramonning oila aʼzolariga koʻrsatilayotgan doimiy eʼtibor va gʻamxoʻrlikning yana bir yorqin namunasi sifatida qalblarda chuqur taassurot qoldirdi.