Jizzaxda "Vatan mehri yuragimda" shiori ostida “Toʻmaris izdoshlari – 2026” koʻrik – tanlovi boʻlib oʻtdi
2026-08-15 11:25:00 / Yangiliklar
Jizzax viloyatida joylashgan "Forish togʻ poligoni"da Favqulodda vaziyatlar vazirligi Markaziy apparati va uning hududiy (bosh) boshqarmalari hamda tarkibiy tuzilmalarida faoliyat yuritayotgan harbiy xotin-qizlar oʻrtasida “Vatan mehri yuragimda” shiori ostida “Toʻmaris izdoshlari – 2026” koʻrik – tanlovining Favqulodda vaziyatlar vazirligi bosqichi oʻtkazildi.
Mazkur tanlovda harbiy xizmatchi ayollar oʻz kasbining haqiqiy ustasi sifatida Vatan oldidagi muqaddas burchini sadoqat va fidoyilik bilan ado etish bilan birga, oilada latofatli beka va mehribon ona sifatidagi ulugʻ masʼuliyatli vazifalarini ham bekamu koʻst bajarib kelayotganini keng jamoatchilikka ibrat namunasi sifatida namoyon etdi.
Qizgʻin va murosasiz kechgan koʻrik-tanlov yakuniy natijalariga koʻra, termajamoalar hisobida “Xaloskorlar” termajamoasi faxrli 1-oʻrinni egallagan boʻlsa, “Fidoiylar” termajamoasi esa 2-oʻrinni va “Oʻtyuraklar” terma jamoasi 3-oʻrinni qoʻlga kiritdi.
Koʻrik tanlov soʻngida gʻolib va sovrindorlar tashkilotchilar tomonidan diplom va esdalik sovgʻalari bilan taqdirlandilar.