Favqulodda vaziyatlar vaziri general-mayor Azizbek Ikramov Toshkent viloyatida yoshlar bilan uchrashdi
2026-07-02 14:45:00 / Yangiliklar
Uchrashuvda Favqulodda vaziyatlar vaziri bugungi kunda yoshlarga yaratilayotgan imkoniyatlar, shart-sharoitlar va ushbu imkoniyatlardan unumli foydalanish, o‘zining uzoq hayot yo‘li to‘g‘risida so‘z yuritib, kasbiy bilim va tajribalari bilan o‘rtoqlashdilar.
Samimiy va ochiq muloqot tarzida o‘tgan tadbirda yoshlar o‘zlarini qiziqtirgan turli savollar bilan murojaat qilib, vazirdan batafsil va hayotiy javoblar oldilar. Suhbat samimiy ruhda o‘tib, yoshlarda katta taassurot qoldirdi. Ayniqsa, vazirning hayotiy tajribasi yoshlarni ruhlantirdi.
Tadbir yakunida, ishtirokchi faol yoshlarga Favqulodda vaziyatlar vazirining "Faxriy yorlig‘i" va esdalik sovg‘alari tantanali topshirildi.
Albatta, yoshlar – har qanday jamiyatning kelajagi, millatning ertangi kuni, davlatning tayanchi. Ularning qalbida ishonch va g‘ururni uyg‘otish, orzu-intilishlariga yo‘l ochish esa bugungi kunning eng dolzarb vazifalaridan biridir.