Qashqadaryo viloyati FVB tomonidan Kitob tumanida joylashgan bolalar oromgohida profilaktik targ'ibot tadbirlari o'tkazildi
2026-07-02 10:05:00 / Yangiliklar
Tadbirda dam olayotgan bolajonlarga qutqaruv texnikalari hamda qutqaruv asbob-uskunalarining vazifalari va ulardan foydalanish tartibi amaliy ko'rgazmalar orqali tushuntirildi.
Shuningdek, bolalarga yong'in va boshqa favqulodda vaziyatlarning oldini olish, xavfsizlik qoidalariga qat'iy rioya etish yuzasidan tavsiyalar berildi.
Yakunda esa zilzila sodir bo'lganda to'g'ri harakat qilish, binodan xavfsiz evakuatsiya qilish tartibi hamda o'zini himoya qilish usullari amaliy mashg'ulotlar orqali o'rgatildi.