Qashqadaryoda yoqilg‘i quyish shoxobchalarida xavfsizlikni ta’minlash masalalariga bag‘ishlangan seminar o‘tkazildi
2026-06-18 19:45:00 / Yangiliklar
Seminar davomida viloyat hududida faoliyat yuritayotgan 757 ta yoqilg‘i saqlash va realizatsiya qilish obyektida yong‘in, texnika hamda mehnat xavfsizligi qoidalariga qat’iy rioya etish, ishchi-xizmatchilarning bilim va amaliy ko‘nikmalarini muntazam oshirib borish masalalari muhokama qilindi.
Shuningdek, xavfsizlik talablariga amal qilmaslik yoki ularni qo‘pol ravishda buzish oqibatida yuzaga kelgan favqulodda vaziyatlar hayotiy misollar va videomateriallar orqali namoyish etilib, ularning ayanchli oqibatlari haqida atroflicha ma’lumot berildi.
Seminar yakunida mutaxassislar tomonidan sohada uchrayotgan mavjud muammolar tanqidiy tahlil qilinib, yoqilg‘i quyish shoxobchalari rahbarlari hamda mas’ul xodimlariga texnika, mehnat va yong‘in xavfsizligi talablariga so‘zsiz rioya etish yuzasidan tegishli tavsiya va aniq vazifalar belgilab berildi.