Murojaatlar – eʼtibor markazida: Gʻuzor tumanida ommaviy sayyor qabul oʻtkazildi.
2026-06-05 15:00:00 / Yangiliklar
Bosh prokuror oʻrinbosari – Oʻzbekiston Respublikasi Harbiy prokurori Q.Isroilov tomonidan Qurolli Kuchlar vazirlik va idoralari rahbariyati bilan hamkorlikda olis hudud – Qashqadaryo viloyatining Gʻuzor tumanida sayyor qabul oʻtkazildi.
Harbiy xizmatchilar va oila aʼzolari, pensionerlar va yoshlar qatnashgan ushbu tadbirda dastlab ochiq muloqot oʻtkazilib, ularga yaratilgan imkoniyat va imtiyozlar haqida atroflicha maʼlumotlar berildi.
Soʻngra har bir murojaat tinglanib, koʻtarilgan masalalarni shu joyning oʻzida hal etish choralari koʻrildi.
Ayni jarayonda mehnat yarmarkasi tashkil etilib, harbiylarning oila aʼzolari va muddatli harbiy xizmatni oʻtab qaytgan yoshlar uchun oʻz mutaxassisligiga mos boʻsh ish oʻrinlarini tanlashga qulay imkoniyat yaratildi.
Kitoblar koʻrgazmasi esa ishtirokchilarning maʼnaviy dunyosini yanada boyitish yoʻlida xizmat qildi.