“So‘nggi qo‘ng‘iroq” hamda “Qurbon Hayiti” umumxalq bayramida xavfsizlikni taʼminlash boʻyicha yigʻilish boʻlib oʻtdi
2026-05-20 22:50:00 / Yangiliklar
Bugun, 20-may kuni Ichki ishlar vazirligida umumiy o‘rta ta’lim muassasalarida o‘quv yili yakunlanishi munosabati bilan “So‘nggi qo‘ng‘iroq” bayramiga hamda “Qurbon Hayiti” umumxalq bayramiga tayyorgarlik ko‘rish va o‘tkazish davrida xavfsizlikni taʼminlash va jamoat tartibini saqlash, sodir bo‘lishi mumkin bo‘lgan favqulodda vaziyatlarning oldini olish hamda yong‘in xavfsizligini ta'minlash bo‘yicha qo‘shma yig‘ilish o‘tkazildi.
Unda Favqulodda vaziyatlar vazirining birinchi o‘rinbosari polkovnik S.Zuparov, Ichki ishlar vazirining birinchi o‘ribosari general-mayor R.Djurayev, Milliy gvardiya qo‘mondonining o‘rinbosari polkovnik S.Mamayusupov, mas'ul rahbarlar va sohaviy yo‘nalish bo‘yicha hududiy boshqarmalar ishtirok etdi.
Tezkor yig‘ilish davomida bayram tadbirlarini xavfsiz o‘tkazish bo‘yicha barcha vazifalar muhokama qilinib, zarur choralar belgilab olindi.