Favqulodda vaziyatlar vazirligi hamda Oʻzbekiston Mahallalari uyushmasi oʻrtasida oʻzaro hamkorlik toʻgʻrisida Memorandum imzolandi
2026-03-31 14:55:00 / Yangiliklar
Muloqotda Oʻzbekiston Respublikasi Prezidentining “Aholi va hududlarni favqulodda vaziyatlardan ishonchli muhofaza qilish sohasini sifat jihatidan yangi bosqichga koʻtarish toʻgʻrisida” 2025-yil 20-oktyabrdagi PF–185-son Farmoniga muvofiq aholini favqulodda vaziyatlardan muhofaza qilishda profilaktik tadbirlarni “mahallabay” va “xonadonbay” tartibida amalga oshirish, aholida xavfsizlik madaniyatini oshirish hamda mahalla binolarida Favqulodda vaziyatlar organlari Davlat nazorati inspektorlari uchun “Mahalla muhofazasi” xizmat xonalarini tashkil etish masalalari alohida taʼkidlab oʻtildi.
Shuningdek, Davlat nazorati inspektorlarining "Mahalla yettiligi" bilan samarali hamkorligini qoʻllab-quvvatlash va "Favqulodda vaziyatlar volontyori" jamoatchilik guruhlarini shakllantirish masalalari muhokama qilindi.
Albatta, ushbu hamkorlik Memorandumi aholini va hududlarni favqulodda vaziyatlardan ishonchli muhofaza qilishga va bu ishlar avvalo mahalladan boshlab tashkil etilishiga xizmat qiladi.