Adliya vazirligi tizimida korrupsiyaga qarshi kurashish bo‘yicha 2023-yilning 1-choragida vazirlik tizimidagi korrupsiyaviy xavf-xatarlarni aniqlash va ularni bartaraf etish boʻyicha quyidagi ishlar amalga oshirildi:

1. Korrupsiyaga qarshi kurashish boʻyicha adliya organlari va muassasalarining faoliyatini takomillashtirish sohasida:

– “FHDYning yagona elektron arxivi” axborot tizimiga FHDY bo‘limi xodimlari tomonidan dalolatnoma yozuvlarini to‘g‘ri kiritish yuzasidan elektron tizim takomillashtirildi;

– toʻlovlar miqdori haqida infografika va roliklar ko’rinishida DXM va FHDY boʻlimlari binolaridagi teleekranlar hamda tizim ijtimoiy tarmoqlarida fuqarolarga maʼlumotlar berib borish amaliyoti kuchaytirildi;

– DXMlarda pullik xizmatni roʻyxatdan oʻtkazish tizimida to’lov miqdorlarini rasmiylashtirilgan arizaga ulash imkoniyati yaratildi.

1. Adliya organlari va muassasalarida korrupsiyaga oid huquqbuzarliklarni profilaktika qilish va ularga qarshi kurashish sohasida:
2. 1. 2022-yil avgust oyida Adliya vazirligi tizimida korrupsiyaviy xavf-xatarlar baholandi. Baholash natijalariga ko‘ra, Аdliya vazirligi tizimida 109ta korrupsiyaviy xavf-xatar aniqlangan (11ta yuqori, 55 ta o‘rta, 43 ta past darajada).

Aniqlangan korrupsiyaviy xavf-xatarlarni minimallashtirish bo‘yicha adliya vaziri tomonidan 2022-yil 25-avgust kuni Adliya vazirligi tizimida korrupsiyaga qarshi kurashish bo‘yicha 2022-2023 yillarga mo‘ljallangan 36 ta chora-tadbirdan iborat dastur tasdiqlandi.

Shuningdek, davlat hokimiyati va boshqaruvi organlari, shu jumladan ularning hududiy bo‘linmalari, davlat unitar korxonalari va muassasalari, davlat ulushi 50 foizdan yuqori tashkilotlar faoliyatida korrupsiyaviy xavf-xatarlarni aniqlash va baholash uslubiyotiga (ro‘yxat raqami 3383, 31.08.2022-yil) muvofiq adliya organlari va muassasalari faoliyatida aniqlangan korrupsiyaviy xavf-xatarlar qayta ko‘rib chiqilib, “E-anticor.uz” elektron platformasiga joylashtirildi.

1. 2. Adliya vazirligiga 2023-yil 1-choragi davomida aloqa kanallari orqali adliya organlari va muassasalari xodimlarining nojoʻya xatti-harakatlari yuzasidan jami 25ta murojaat va xabarlar kelib tushgan.

Shundan, jami 19 tasi “antikorbot” telegram kanali orqali kelib tushgan adliya organlari va muassasalari xodimlarining xatti-harakatlarigа oid xabarlarni tashkil etgan.

Mazkur murojaatlar va xabarlarni oʻrganib chiqish natijasida 1 nafar xodimlarga nisbatan tegishli intizomiy jazo choralari qoʻllanildi. Shuningdek, 5 ta xodim bilan profilaktik suhbatlar oʻtkazildi.

1. Adliya organlari va muassasalarida korrupsiyaga qarshi kurashish tizimining samarali ishlashini taʼminlash va nazorat qilish sohasida:

Boʻlim tomonidan 2023-yil 1-choragida davlat xizmatlari markazlari tomonidan ayrim turdagi xizmatlarni ko‘rsatish yo‘nalishlari komplayens tekshiruvidan oʻtkazildi. Komplayens tekshiruvi natijalariga koʻra, korrupsiyaviy xavf-xatarlarni minimallashtirish boʻyicha xizmatlarni raqamlashtirish yuzasidan takliflar ishlab chiqildi.

Shuningdek, aniqlangan holatlar bo‘yicha 1 nafar xodim bilan mehnat shartnomasi bekor qilindi, 24 nafar xodimlarga nisbatan tegishli intizomiy jazo choralari qoʻllanildi. Shuningdek, 17 nafar xodim bilan profilaktik suhbatlar oʻtkazildi.

1. Korrupsiyaga qarshi kurashish boʻyicha faoliyatni amalga oshiruvchi va ishtirok etuvchi davlat organlari va tashkilotlari bilan hamkorlikni olib borish sohasida:

Oʻzbekiston Respublikasi Prezidentining “Korrupsiyaga qarshi kurashish faoliyatini samarali tashkil etishga doir qoʻshimcha chora-tadbirlar toʻgʻrisida” 2021-yil 6-iyuldagi PQ–5177-son qaroriga asosan 2021-yil 1-oktyabrdan boshlab korrupsiyaga qarshi ichki nazorat tizimini yoʻlga qoʻyish boʻyicha davlat organlari va tashkilotlariga amaliy koʻmak berib kelinmoqda.