Adliya vaziri A.Tashkulovning nutqi Global Innovatsiya Indeksi 2025 taqdimotida eshittirildi
2025-09-16 17:50:00 / Vazirlik yangiliklari
Global Innovatiya Indeksi — yillik xalqaro reyting bo'lib, unda mamlakatlarning innovatsion rivojlanish darajasi va raqobatbardoshligi baholanadi.
Vazir ochilish marosimidagi chiqishida davlat tomonidan innovatsion rivojlanish masalasiga oliy darajada e'tibor qaratilayotganiga urg'u berib, natija sifatida O‘zbekiston so‘nggi to‘qqiz yil (2015-2024-yillar oralig'i) ichida ushbu reytingda 40 pog‘ona yuqorilaganini ta'kidladi.
Intellektual mulk sohasidagi loyihalar va doimiy islohotlar, startaplarni qo‘llab-quvvatlash va raqamli xizmatlarni joriy etishni mamlakat innovatsion rivojlanishining asosiy omillari sifatida qayd etdi.
Shuningdek, O‘zbekistonning kelgusida bilim va innovatsiyaga asoslangan iqtisodiyot barpo etishga, yoshlarni qo‘llab-quvvatlashga va xalqaro hamkorlikni kengaytirishga intilishi alohida ta’kidlandi.
Global Innovatsiya Indeksi 2025 natijalariga ko‘ra, O‘zbekiston 2024-yilga nisbatan 4 pog'ona yuqorilab, 79-o‘ringa ko'tarildi hamda Markaziy Osiyo davlatlari orasida birinchi o‘rinni egalladi.