Adliya vaziri oʻrinbosari “Situatsion markaz” faoliyati bilan tanishdi
2024-11-30 15:35:00 / Vazirlik yangiliklari
Adliya vaziri oʻrinbosari X.Meliyev Surxondaryo viloyat adliya boshqarmasida tashkil etilgan “Situatsion markaz” faoliyati bilan tanishdi.
Situatsion markaz orqali davlat xizmatlari markazlari va FHDY organlaridagi xizmat koʻrsatish jarayonini real vaqt rejimida kuzatish, elektron murojaatlar hamda axborot tizimlar holati boʻyicha monitoring qilish imkoniyati mavjud.
Shuningdek, markazda aholiga tezkor va sifatli davlat xizmatlarini koʻrsatish ahvoli nazorat qilib boriladi. Bu esa tizim xodimlarining mehnat samaradorligini yanada oshirishga xizmat qiladi.