O‘zbekiston Respublikasi Adliya vazirligi

Tomonlar arxiv ishi sohasida istiqbolli rejalar, jumladan ikki davlat tarixiga oid arxiv hujjatlarni aniqlash, ular asosida mavzuli nashrlar tayyorlash, qo‘shma tadbirlar o‘tkazish hamda arxiv ishi sohasida kadrlar malakasini oshirish va o‘zaro tajriba almashish yo‘nalishlarida hamkorlikni kengaytirishga kelishib olindi.

Uchrashuvda BAA tomonidan barpo etilishi rejalashtirilgan O‘zbekiston Milliy arxivi yangi binosini qurish loyihasi muhokama etildi.

Jumladan, tomonlar tez kunlarda qurilish loyihasi bo‘yicha tender savdolarini o‘tkazish hamda qurilish ishlarini boshlash uchun amirliklar delegatsiyasini O‘zbekistonda qabul qilishga kelishib olishdi.

Shuningdek, BAA Milliy kutubxonasi va arxivi tarixi, boshqaruv tizimi, texnologik ish faoliyati, arxiv hujjatlarini raqamlashtirish va saqlash sharoitlari haqida maʼlumot berildi.

Uchrashuv so‘ngida BAA Milliy kutubxonasi va arxivi bo‘ylab ekskursiya uyushtirildi.