Adliya vazirligining navbatdagi kengaytirilgan hay'at majlisi bo‘lib o‘tdi.
2026-02-06 18:00:00 / Vazirlik yangiliklari
🔸Video-konferens-aloqa shaklida o‘tkazilgan yig‘ilishda 2025-yil davomida adliya organlari va muassasalari tomonidan amalga oshirilgan ishlar va kelgusidagi vazifalar muhokama qilindi.
Tizimda har bir boshqaruv xodimi kesimida KPI ko‘rsatkichi belgilanganligi hamda quyi tuzilmalarga tushgan holda vazifa va funksiyalar bajarilishi bo‘yicha amaliy ishlar qilinganligi sababli bir qator yo‘nalishlarda yuqori natijalar qayd etildi. Xususan:
▪️aholining 1 mlndan ortiq muammosi hal etildi;
▪️qonunchilik hujjati loyihalari huquqiy ekspertiza muddati 7 kunni tashkil etdi;
▪️ko'rsatiladigan davlat xizmatlari turi 517 taga yoki o'tgan yilga nisbatan 108 taga ko'p joriy etildi;
▪️davlat xizmatini ko‘rsatish o‘rtacha vaqti 6 daqiqaga kamayib, 4 daqiqa bo‘ldi;
▪️huquqiy targ'ibot tadbirlari 1,5 barobarga oshib, 1 mln tani tashkil etdi;
▪️yuridik xizmat ko‘rsatish markazlari faoliyatida 415 ta hujjat namunasi tayyorlab berilib, ular asosida 10,3 mln.dan ortiq hujjat loyihasi yaratildi;
▪️Markazlar tomonidan kundalik kelib tushgan hujjat loyihalariga shu kunning o‘zida xulosa berilishi natijasida xulosa berish o‘rtacha vaqti 5 soatni tashkil etib, o‘tgan yilning mos davriga nisbatan 41 soatga qisqardi;
▪️onlayn notarial harakatlar 4 baravarga oshib, salkam 300 ming tani tashkil etdi;
▪️3 709 ta yoki 183 foizga ko'p intellektual mulk obyekti huquqiy himoya qilindi.
🔹Bundan tashqari, mavjud kamchiliklar tanqidiy ruhda muhokama qilinib, kelgusida amalga oshirilishi lozim bo'lgan vazifalar belgilab olindi.