Adliya vaziri Akbar Tashkulov Sirdaryo viloyatiga navbatdagi xizmat safarini amalga oshirdi
2025-12-04 14:30:00 / Vazirlik yangiliklari
Xizmat safari avvalida vazir Guliston shahar adliya bo‘limi faoliyati bilan tanishdi.
Bo‘limda davlat xizmatlari ko‘rsatilishining tezligi va sifati, moddiy-texnik baza bilan ta’minlanganlik darajasi, xodimlarning ish jarayoni va mas’uliyati atroflicha o‘rganildi. Shuningdek, FHDY va notarial arxivlarda hujjatlarni saqlash tartibi, ularning tizimli yuritilishi va xavfsizlik choralariga alohida e’tibor qaratildi.
Safarning navbatdagi manzili Sirdaryo viloyat adliya boshqarmasi bo‘lib, qonunchilikni takomillashtirish yuzasidan ishlab chiqilgan takliflar, shuningdek, “Huquqiy mahalla” loyihasi doirasida hududlarda amalga oshirilayotgan ishlar taqdimoti tinglandi.
Vazir xizmat safarining yakunida aholi bilan ishlashda ochiqlik va shaffoflikni ta’minlash, xizmatlar sifatini oshirish bo‘yicha o‘z tavsiyalarini berdi.