Namangan viloyati IIB boshligʻi polkovnik Shuxrat Aliyev tomonidan viloyat hududi boʻylab “mahalla yettiligi” faoliyati oʻrganilmoqda
2024-02-29 17:30:00 / Yangiliklar
Hududlarda jinoyatchilik va huquqbuzarliklarni barvaqt oldini olish, aholi muammolarini hal etish, biriktirilgan yoshlar bilan olib borilayotgan ishlar ahvoli muntazam ravishda oʻrganib kelinmoqda.
Bugun polkovnik Sh. Aliyev tomonidan sektor rahbarlari bilan birgalikda Toʻraqoʻrgʻon tumanining “Qashguzar” va “Yuqori Moʻgʻoltoy” mahallari, shuningdek, Yangi Namangan tumanining “Guliston” “mahallasi yettiligi” faoliyati oʻrganildi.
Unda mahallalarda sodir etilayotgan ogʻir va oʻta ogʻir turdagi jinoyatlarni oldini olishda mahalla faollari tomonidan yetarlicha manzilli ish tashkil etilmaganligi, ayniqsa, yoshlar jinoyatlarini oldini olishda “mahalla —oila — maktab” hamkorligini toʻgʻri yoʻlga qoʻymaganligi keskin tanqid ostiga olindi
Shuningdek, Toʻraqoʻrgʻon tumani IIBda tashkil etilgan videokuzatuv markazi faoliyati bilan ham yaqindan tanishib, masʼullarning jinoyatchilikni oldini olishda ushbu markazning imkoniyatlari haqidagi axborotlari tinglandi va Boshqarma boshligʻi tomonidan qolgan tumanlarda ham bu kabi markaz faoliyatini yoʻlga qoʻyish boʻyicha tegishli chora-tadbirlar belgilab olindi.
Oʻrganish yakunida jinoyatchilikka barham berishda asosiy eʼtiborni aholi muammolarini “xonadonbay” va “fuqarobay” oʻrganishga qaratish, “mahalla yettiligi”ni oʻzaro hamkorligini mustahkamlash, yoshlarni boʻsh vaqtini mazmunli tashkil etish, hudud osoyishtaligini va fuqarolar xavfsizligini taʼminlashda esa mahallani zamonaviy videokuzatuv kameralari bilan jihozlab, imkoniyatlardan keng foydalanish boʻyicha masʼullarga aniq topshiriqlar berildi.
Namangan viloyati IIB Axborot xizmati