Ichki ishlar vaziri oʻrinbosari general-mayor Baxodir Mirzaraximov Qoraqalpogʻiston Respublikasida oʻrganish ishlari davomida, Qoʻngʻirot tumaniga tashrif buyurdi. Tumanda yangi qurilayotgan ichki ishlar boʻlimi va 3-mintaqaviy hudud binosining qurilish ishlari bilan tanishdi. Vazir oʻrinbosari tegishli mutasaddi rahbarlarga qurilish sifatga alohida eʼtibor qaratish yuzasidan taklif va topshiriqlar berdi.

Shundan soʻng, oʻrganish ishlari tuman markazidagi Qoʻngʻirot mahallasida davom etdi. Mahalla yettiligi bilan bilan suhbatlashib mahalla hududini xavfsiz hududga aylantirish borasida mahalla yettiligi hamkorlikda ishlashi, profilaktik tadbirlarni kuchaytirish kerakligi haqida alohida taʼkidlab oʻtdi. Oʻrganish ishlari jarayonida mahalla yettiligi tomonidan berilgan xulosalar oʻrganilib, ularning yechimini tezda hal qilish borasidagi ishlarni kuchaytirish boʻyicha masʼullarga tegishli topshiriqlar berildi.

Qoraqalpogʻiston Respublikasi hududi boʻylab oʻrganish ishlari davom etmoqda.

IIV Transport va turizm obyektlarida xavfsizlikni taʼminlash departamenti Axborot guruhi