Ichki ishlar vazirligi Tezkor-qidiruv departamenti Kiberxavfsizlik markazi tomonidan “Nurli maskan”da ”Raqamli madaniyat” haftaligi haftalik targʻibot-tanlovlari tashkil etildi
2024-02-03 09:00:00 / Yangiliklar
Ichki ishlar vazirligi Tezkor-qidiruv departamenti Kiberxavfsizlik markazi tomonidan Toshkent shahridagi 77-sonli “Nurli maskan”da 29-yanvar kunidan 2-fevral kuniga qadar “Raqamli madaniyat” haftalik targʻibot-tanlovlari tashkil etildi.
Ushbu haftalik oʻquvchilar va oʻqituvchilarni kiberjinoyatlardan jabrlanib qolishini oldini olish hamda virtual olamdagi kibertahdidlardan ogohligini oshirish maqsadida oʻtkazildi.
Tadbirlarning yakuniy qismida, IIV Madaniyat saroyi ashula va raqs ansambli, sanʼatkor soʻz ustasi Avaz Oxun va maktab oʻquvchilarining sevimli aktyori boʻlgan Erkin Bozorovlar ishtirok etib, tanlovlarning gʻolib va sovrindorlariga esdalik sovgʻalari topshirdilar.
Haftalik tadbirlar doirasida:
“Eng yaxshi insho” tanlovi;
“Quvnoq startlar” musobaqasi;
“Eng yaxshi videoroliklar” tanlovi;
“Jamoalar bellashuvi” koʻrik tanlovlari oʻtkazildi.
Tadbirlari davomida “Nurli maskan”ning barcha oʻquvchi, oʻqituvchi va tarbiyachilari qamrab olindi.
IIV Tezkor qidiruv departamenti Kiberxavfsizlik markazi