Ichki ishlar vaziri oʻrinbosari general-mayor Bekmurod Abdullayev Fargʻona viloyatidagi oʻrganishlari doirasida Coʻx tumanida boʻldi
2024-01-26 09:00:00 / Yangiliklar
Vazir oʻrinbosari dastlab tumandagi sektorlar rahbarlari bilan muloqot oʻtkazdi.
Uchrashuvda, tumanda jinoyat va huquqbuzarliklarni oldini olishda oʻzaro hamkorlikni taʼminlash, “Mahallabay” hamda “honadonbay” ishlarni tashkil qilish boʻyicha topshiriqlar berildi.
Shundan soʻng tumanda barpo etilayotgan tuman IIB binosi qurilish ishlari bilan tanishildi.
“Sharqobod” MFYda joylashgan 14-sonli maktabgacha taʼlim muassasasida “Yoʻl harakati qoidalarini oʻrgatish” maydonchasi tashkil etilgan boʻlib, ishchi guruh aʼzolari mazkur majmuaning imkoniyatlari tanishtirildi.
Oʻtkazilgan tadbirlar doirasida tuman IIB binosida yangi tashkil etilayotgan Maxsus ekspluatatsiya montaj boʻlimining shoxobchasining ochilish marosimi ham boʻlib oʻtdi. Maxsus texnikalar oʻz mutaxassislariga tantanali ravishda topshirildi.
Shuningdek vazir oʻrinbosari, “Saribozorcha” MFYda joylashgan 29-sonli umumtaʼlim maktabiga tashrif buyurib, “Yoʻl harakati qoidalarini oʻrgatish” sinfxonasi bilan tanishdi. “Yashil chiroq-2024» musobaqasi ishtirokchilari hamda faol oʻquvchilari taqdirlandi.
“Sarikanda” MFY oʻtgan uchrashuvda mahallani “sariq” toifadan chiqarish hamda aholi farovonligini taʼminlash chora-tadbirlari yuzasidan mahalla yettiligi bilan suhbatlashildi. Mavjud imkoniyatlar va muammolar tahlil qilindi.
Tezkor vazifalarni bajaruvchi safarbarlik otryadi hamda vaqtincha saqlash hibsxonasi faoliyati ham oʻrganilib, zarur tavsiyalar berildi.
Qolaversa, Chashma mahallasida joylashgan “Chashma” bulogʻi atrofida obodonlashtirish hamda buloqni tozalash tizimini joriy etish ishlari koʻzdan kechirildi. Aholi bilan shu yerning oʻzida muloqotlar oʻtkazildi.
Oʻrganishlar joylarda davom etmoqda.
IIV Jamoat xavfsizligi departamenti Axborot xizmati