Yangi yilda Tergov departamenti rahbariyati tomonidan fuqarolarni videokonferensaloqa orqali qabul qilish boshlandi
2024-01-13 09:00:00 / Yangiliklar
Joriy yilning 12-yanvar kuni Tergov departamenti rahbariyati tomonidan videokonfrensaloqa rejimi orqali Jizzax, Andijon va Toshkent viloyatlarida yashovchi fuqarolar bilan shaxsiy qabuli oʻtkazildi.
Qabul davomida 3 nafar fuqarolarning murojaatlari koʻrib chiqildi.
Kelib tushgan murojaatlarning 2 tasi oʻtkazilgan tergov harakatlari va qabul qilingan qarordan norozi hamda 1 tasi tergovga qadar tekshiruv toʻliq olib borilmaganligi masalalarini tashkil etadi.
Qabul qilingan murojaatlarning 1 tasi joyida ijobiy hal etildi, 1 tasi boʻyicha tushuntirish berilib, qolgan 1 tasi boʻyicha qoʻshimcha tekshirish talab qilinganligi sababli murojaatlari ijroga qaratildi.
Eslatib oʻtamiz, ichki ishlar organlarining tergovga qadar tekshiruv, surishtiruv va dastlabki tergovdan norozi boʻlgan fuqarolar vazir oʻrinbosarining shaxsiy qabuliga kirmoqchi boʻlgan taqdirda, Tergov departamentining (71) 231-38-16 raqamli xizmat telefoni yoki masʼul xodim И.А.Тоировнинг (90)508-66-46 telefon raqamlariga murojaat qilishlari mumkin.
IIV huzuridagi Tergov departamenti Axborot xizmati