Ichki ishlar vazirligi Harbiy tuzilmalarining faoliyatini taʼminlash bazasida mavjud oddiy askar va serjantlar tarkibidagi quyidagi lavozimlarda kontrakt asosida harbiy xizmatga qabul qilish boʻyicha ochiq tanlov eʼlon qilinadi.

Nomzodlarga qoʻyiladigan talablar:

• Yoshi 18 yoshdan katta va 30 yoshdan kichik boʻlishi;
• Boʻyi erkaklar uchun 170 sm, ayollar uchun 165 smdan kam boʻlmasligi;
• Muddatli yoki safarbarlik chaqiruv rezervidagi harbiy xizmatni oʻtagan boʻlishi;
• “Texnik” lavozimlarga: Axborot texnologiyalari, aloqa vositalari, kompyuter texnologiyalari va texnik qoʻriqlash vositalarini ishlab chiqarish yoki ularga texnik xizmat koʻrsatish boʻyicha muhandis va dasturlash boʻyicha kamida oʻrta maxsus maʼlumotga ega boʻlishi;
• “Feldsher” lavozimlarga: Tibbiyot hamshirasi, hamshiralik ishi va shu kabi yoʻnalishlar boʻyicha kamida oʻrta maxsus maʼlumotga ega boʻlishi hamda hozirda ushbu yoʻnalish boʻyicha ishlayotgan (ish joyidan maʼlumotnoma taqdim qilish kerak);
• “Buxgalter-hisobchi” lavozimlarga: buxgalter-hisobchi yoʻnalishi boʻyicha kamida oʻrta maxsus maʼlumotga hamda “UzASBO” dasturida ishlash tushunchasiga ega boʻlishi;
• “Haydovchi” lavozimlarga: “B” va “C” toifali haydovchilik guvohnomasiga ega boʻlishi hamda avtotransport vositalarini texnik xususiyatlarini yaxshi bilishi.

Shartnoma asosida harbiy xizmatga kirish istagida boʻlgan fuqarolar oʻzlari bilan quyidagi hujjatlarning asl nusxalarini koʻrsatilgan manzilga 2025-yilning 09-10 yanvar kunlari davomida soat 09:00 dan 18:00 ga qadar olib kelishlari soʻraladi:

• Shaxsini tasdiqlovchi ID-kartasi (biometrik pasporti);
• Harbiy guvohnomasi;
• Maʼlumoti toʻgʻrisida diplom;
• Ish joyidan maʼlumotnoma (faqat “feldsher” lavozimlariga nomzodlar uchun).

Manzil: Toshkent shahri, Yashnobod tumani, Osh-1 tor koʻchasi. 1-uy.

Moʻljal: 32-son oilaviy poliklinikasi.

Murojaat uchun telefon: 71-209-98-57

IIV Moliya va moddiy-texnika taʼminoti departamenti