Andijon viloyatida IIV Jamoat xavfsizligi departamenti yoʻl harakati xavfsizligi xizmati boshligʻi polkovnik Sherzod Ibragimov, viloyat IIB rahbariyati hamda YHXB shaxsiy tarkib xodimlari ishtirokida yigʻilish boʻlib oʻtdi
2024-10-09 17:00:00 / Yangiliklar
Yigʻilishda Ichki ishlar vazirining tegishli buyrugʻi bilan viloyat Yoʻl harakati xavfsizligi boshqarmasi boshligʻi lavozimiga tayinlangan podpolkovnik R.Maksudxadjayev masʼullar hamda xodimlarga tanishtirildi.
Yigʻilishda joriy yilning oʻtgan davri mobaynida viloyat avtomobil yoʻllarida sodir boʻlgan yoʻl-transport hodisalarining sabab va omillari, masʼullar tomonidan yoʻl qoʻyilgan xato va kamchiliklar, kelgusida koʻrilishi lozim boʻlgan chora-tadbirlar tanqidiy tarzda muhokama qilindi.
Yigʻilishdan soʻng, viloyat YHXB hamda uning hududiy boʻlinmalari binolarining joylashuvi, xodimlarga xizmatda foydalanish uchun biriktirilgan avtomototransport vositalari, umumiy olganda boshqarmaning moddiy texnik bazasidagi vaziyat oʻrganildi va masʼullarga tegishli topshiriqlar berildi.
IIV JXD Yoʻl harakati xavfsizligi xizmati