IIV xodimlari tomonidan oʻtkazilgan tezkor tadbirda jazo muddatini oʻtash joyini pul evaziga oʻzgartirib berishni vaʼda qilgan shaxslar qoʻlga olindi
2024-05-22 13:00:00 / Yangiliklar
IIV Tezkor qidiruv departamenti xodimlari tomonidan Vazirlik Jazoni ijro etish departamenti hamda Shaxsiy xavfsizlik bosh boshqarmasi bilan hamkorlikda Yashnobod tumanida tezkor tadbir oʻtkazildi.
1976-yilda tugʻilgan muqaddam sudlangan ikki nafar shaxs Buka tumanidagi 43-sonli manzil koloniyasida jazo muddatini oʻtayotgan tanishi orqali ushbu manzil koloniyasidagi yana bir mahkumni Ohangaron yoki Olmaliq shahridagi manzil koloniyalaridan biriga oʻtkazib berish va evaziga 1.000 AQSH dollari miqdoridagi pullarni olgan vaqtida ashyoviy dalillar bilan ushlanganlar.
Mazkur holat yuzasidan Jinoyat kodeksining 168-moddasi 2-qismi «b» bandi va 28,211-moddasi 1-qismi bilan jinoyat ishi qoʻzgʻatilib, ikki nafar shaxs Jinoyat protsessual kodeksining 221-moddasiga tartibida ushlandi.
IIV Tezkor qidiruv departamenti