O‘zbekiston Respublikasi Adliya vazirligi 2024-yilda Nodavlat notijorat tashkilotlari o‘rtasida muhim ijtimoiy ahamiyatga molik loyihani amalga oshirishga davlat ijtimoiy buyurtmasini taqdim etish uchun tanlov E’LON QILADI
2024-07-09 09:00:00 / Vazirlik e'lonlari
|
Davlat ijtimoiy buyurtmasining maqsad va vazifalari
|
Buyurtmachi davlat organi nomi va manzili |
Ajratiladigan mablag‘ miqdori |
Davlat ijtimoiy buyurtmasini bajarish muddati
|
|
Ustuvor yo‘nalish: yoshlar o‘rtasida huquqbuzarliklarga nisbatan murosasizlik munosabatini shakllantirish hamda ularda qonunlarga hurmat, mamlakat taqdiriga daxldorlik hamda vatanparvarlik hissini kuchaytirish.
|
O‘zbekiston Respublikasi Adliya vazirligi, 100047, Toshkent shahri, Sayilgoh koʻchasi, 5-uy |
50 000 000 million so‘m |
2024-yil sentyabr |
|
Maqsad: O‘zbekiston Respublikasi Prezidentining 2024-yil 24-maydagi PF–80-son “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Farmonida belgilangan “Tengdoshimga huquqiy yordam” tamoyili asosida yoshlarning huquqiy savodxonligini oshirish, huquqshunoslik kasbining obro‘si va nufuzini oshirish, yoshlarda ushbu kasbga nisbatan hurmat va faxr tuyg‘ularini shakllantirish.
|
|
|
|
|
Vazifalar: Interaktiv usullardan foydalangan holda yoshlarning huquqiy savodxonligini oshirish, ularni huquqiy bilim olishga qiziqtirish, onlayn formatda iqtidorli, huquqqa qiziquvchi yoshlarni aniqlab olish, yoshlar oromgohida qiziqarli usullardan foydalangan holda huquqni oson o‘rgatish, yoshlarning o‘z hududlarida huquqiy targ‘ibot ishlarini o‘tkazishlari uchun bilim va ko‘nikmalarini shakllantirish.
|
|
|
|
Ijtimoiy ahamiyatga molik bo‘lgan loyihani amalga oshirishda davlat ijtimoiy buyurtmasining shartlari:
- ijrochi-tashkilot belgilangan tartibda NNT sifatida ro‘yxatdan o‘tgan bo‘lishi zarur;
- davlat ijtimoiy buyurtmasini bajarish doirasida amalga oshiriladigan faoliyatning ijrochi-tashkilotning ustavidagi vazifalarga muvofiqligi;
- ijrochi-tashkilotda loyihani amalga oshirish uchun zarur bo‘lgan kadrlar
va texnik imkoniyatning mavjudligi;
- ijrochi-tashkilotda ijtimoiy ahamiyatga molik loyihalar va dasturlarni muvaffaqiyatli amalga oshirish borasidagi tajribaning mavjudligi;
- loyihani amalga oshirish haqidagi shartnomani sifatli va o‘z vaqtida bajarish, uni amalga oshirish vaqtida ajratilgan mablag‘lardan maqsadli foydalanish, ochiqlik va oshkoralikni ta’minlash, amaldagi qonun hujjatalariga to‘liq rioya etish.
Davlat ijtimoiy buyurtmasi berilishi uchun quyidagi hujjatlar taqdim etilishi zarur:
ariza taqdim etayotgan NNTning rahbari imzosi va muhr bilan tasdiqlangan kuzatuv xati;
davlat ijtimoiy buyurtmasi loyihasi uchun ariza (ariza shakli bilan https://lex.uz/uz/docs/-3568990?query=Sotsial#-3569962 sayti orqali tanishishingiz mumkin);
oxirgi o‘zgartish va qo‘shimchalar bilan davlat ro‘yxatidan o‘tgan NNTning Ustavi nusxasi;
Tashkilotning davlat ro‘yxatidan o‘tganligini tasdiqlovchi guvohnoma nusxasi.
Hujjatlar 2024-yil 9-iyuldan 31-iyulgacha qabul qilinadi.
Taqdim etilgan muhim ijtimoiy ahamiyatga molik loyihalar O‘zbekiston Respublikasi Adliya vazirligi huzuridagi Jamoatchilik kengashi tomonidan ko‘rib chiqiladi va natijalari e’lon qilinadi.
Hujjatlar “O‘zbekiston Respublikasi Adliya vazirligi” nomiga “O‘zbekiston pochtasi” orqali muhrlangan konvertda (A4 format) quyidagi manzil bo‘yicha qabul qilinadi: 100047, Toshkent shahri, Sayilgoh koʻchasi, 5-uy.
Ma’lumot uchun telefon: 71-207-04-39.
