ЖҲСТ 92-Бош сессияси доирасида Баҳром Норқобилов БАА Иқлим ўзгариши ва атроф-муҳит вазирлиги вакили Калтам Али хоним билан учрашув ўтказди.
2025-05-28 10:50:00 / Янгиликлар
БАА билан ўтказилган музокаралар чоғида томонлар ўртасидаги кенг кўламли муносабатларнинг юқори салоҳияти алоҳида таъкидланди.
Учрашувда ветеринария, паррандачилик, қуёнчилик, туячилик ва озиқ-овқат маҳсулотлари хавфсизлиги соҳаларида ҳамкорликни ривожлантириш масалалари муҳокама қилинди.
Ўзбекистондан БААга парранда гўшти ва инкубацион тухум экспорт қилиш бўйича амалга оширилаётган ишлар, жумладан ветеринария сертификатларини келишишга оид масалалар юзасидан маълумот алмашилди.