Броилер паррандаларини етиштириш учун технологик ускуналар ишлаб чиқарувчи компаниялар ва уларнинг расмий дилерларига
2026-07-04 09:00:00 / Тендер ва эълонлар
Ўзбекистон Республикаси Президентининг 2024-йил 27-июндаги ПҚ–238-сон ҳамда 2025-йил 17-январдаги ПҚ–12-сон қарорларига мувофиқ, "Парранда Инвестмент" МЧЖ Тошкент вилояти Бекобод туманида "Тайёр бизнес" лойиҳасини амалга оширишни режалаштирмоқда.
Шу билан бирга, "Парранда Инвестмент" МЧЖга юридик хизмат кўрсатувчи компания томонидан йилига 1 миллион бош бройлер парранда етиштириш қувватига эга технологик ускуналарни етказиб бериш бўйича харид ҳужжатлари ва техник топшириқ ишлаб чиқилган.
Мазкур технологик ускуналарни етказиб беришнинг бошланғич қиймати 697 900 АҚШ долларини ташкил этади.
Тижорат таклифлари харид ҳужжатлари ва техник топшириқ талабларига тўлиқ мувофиқ бўлиши ҳамда ускуналарни етказиб бериш қиймати камайиш тартибида кўриб чиқилади.
Танлов ташкилотчиси — "Парранда Инвестмент" МЧЖ.
Тижорат таклифларингизни "Парранда Инвестмент" МЧЖнинг расмий электрон почта манзилига юборишингизни сўраймиз: parrandainvestment@mail.ru.
Юқоридагиларни инобатга олиб, Сизни энг мақбул тижорат таклифини танлаш бўйича танловда иштирок этишга таклиф қиламиз ҳамда харид ҳужжатлари ва техник топшириқ талабларига мувофиқ тайёрланган тижорат таклифингизни 30 календар куни ичида, яъни 2026-йил 3-августгача, тақдим этишингизни сўраймиз.
"Парранда Инвестмент" МЧЖ
Кузатув кенгаши раиси. У. Ахмедов
