Ҳудудларга ташриф давомида Узун тумани марказини ободонлаштириш, аҳоли учун қулай шарт-шароитлар яратиш, савдо ва хизмат кўрсатиш нуқталарини ташкил этиш ишлари билан танишилди.
2025-02-24 01:55:00 / Янгиликлар
Шунингдек, 2-сон политехникум қошида қандолатчилик кластерини ташкил этиш, тумандаги марказий истироҳат боғини реконструкция қилиш ҳамда тадбиркорлик лойиҳалари тақдимоти кўриб чиқилди.
Шундан сўнг, Сариосиё туманидаги "Турмушобод" маҳалласининг инфратузилмасини яхшилаш ишлари, жумладан, йўлларни асфалтлаш ва бетон устунлар ўрнатиш жараёнлари ўрганилди. Суҳбат чоғида нуронийлар давлатнинг аҳоли турмуш фаровонлигини оширишга қаратаётган эътибори учун миннатдорлик билдирди.
Шунингдек, Денов туманида берилган топшириқларнинг ижроси ўрганилиб, Ёшлар сайлгоҳи қурилиши ва "Қўзичоқли" кичик саноат зонасидаги лойиҳаларнинг жойлаштирилиши билан танишилди.