Қашқадарёлик бир гуруҳ давлат ва нодавлат мактаб раҳбарлари хорижда малака ошириш дастурида иштирок этмоқда
2025-12-04 09:55:00 / Янгиликлар
Буюк Британиянинг Норвич шаҳрида ўтказилаётган “таълимда бошқарув ва XXI аср кўникмалари” номли дастурда вилоятимиздан 11 нафар соҳа раҳбарлари иштирок этмоқда.
Шу боис Норвич Тил Таълими Институтида малака ошириш доирасида “Performance Management” мавзусида дарслар ўтказилди.
Мазкур семинарда ўқитувчилар ва жамоани самарали бошқариш, меҳнатни баҳолаш тизимлари, самарадорликни ошириш стратегиялари ҳамда жамоада мотивацияни шакллантириш усуллари ҳақида билимлар ўрганилди. Жараёнда Англия таълим тизимида бошқарув ва иш юритиш тажрибалари ҳам ўрин олди.
Тадбир давомида:
• Ходимларнинг иш фаолиятини тўғри баҳолаш методлари
• Мақсадларни SMART тамойили асосида белгилаш
• Ўқитувчилар самарадорлигини ошириш бўйича илғор тажрибалар
• Мулоқот, фикр-мулоҳаза (feedback) ва жамоавий ишлаш бўйича машғулотлар ташкил этилди.
Дастур давом этади.