Жиззахда углерод хомашёсини ишлаб чиқариш лойиҳаси амалга оширилади
2025-06-16 10:10:00 / Янгиликлар
Болгариянинг "Acta" компанияси вакиллари билан ҳамкорлик масалалари муҳокама қилинди.
Ўрмон ва яшил ҳудудларни кенгайтириш, чўлланишга қарши курашиш агентлиги директори Эркин Мўҳиддинов Болгариянинг "Acta" компанияси таъсисчиси Георги Кирчев ва компания вакиллари билан учрашди.
Учрашувда Ўзбекистонда ўрмонларни ривожлантириш ҳамда углерод хомашёсини ишлаб чиқариш лойиҳасини Тошкент, Жиззах ва Самарқанд вилоятларида амалга ошириш юзасидан фикр алмашилди.
Шунингдек, лойиҳа доирасида ишчи гуруҳ ташкил этилишига келишиб олинди. Шунингдек, икки томонлама ўзаро ҳамкорлик меморандуми имзоланди.
Учрашув якунида Эркин Мўҳиддинов компания вакилларини Yeso Expo Central Asia 2025 кўргазмасига қатнашишга таклиф этди.