Миллий сертификат имтиҳонида тест саволлари ва жавобларини олиб беришни ваъда қилган шахс ушланди
2025-01-30 08:00:00 / Янгиликлар
Жиззах шаҳрида миллий сертификат олиш учун тест материалларини олдиндан аниқлаб беришни ваъда қилган шахс қўлга олинди.
Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, фуқаро Р.М. Жиззах шаҳридаги “Э.“ ўқув марказида олий ўқув юртига кириш мақсадида бўлган ўқувчиларга кимё ва биология фанларидан миллий сертификат олиш учун тест савол ва жавобларини олиб беришини айтган.
У бунинг эвазига ўқув марказ ходими Ш.Х.дан фирибгарлик йўли орқали 156 миллион сўм ва 8 минг АҚШ долларини олаётган вақтида ашёвий далиллар билан қўлга олинди.
Мазкур ҳолат юзасидан Жиноят кодексининг 25, 168-моддаси (фирибгарлик) билан билан жиноят иши қўзғатилиб, тергов ҳаракатлари ўтказилмоқда.