Видеорепортаж: Жиззах вилояти ҳокимлигида Хитойлик инвесторлар билан учрашув бўлиб ўтди
2025-12-18 10:15:00 / Янгиликлар
Жиззах вилояти ҳокими Улуғбек Мустафоев Хитой Халқ Республикасининг Хэнань провинцияси, Чжэнчжоу шаҳри вакилларидан иборат делегация — “Henan Investment Group Co., Ltd.” компанияси, “Henan Biotech Industry” партия қўмитаси ҳамда “Henan Biotech Industry Group Co., Ltd.” вакилларини қабул қилди.
Учрашув Жиззах вилояти ҳамда Хитойнинг йирик инвестицион ва биотехнологик компаниялари ўртасида ҳамкорликни ривожлантириш, делегация вакиллари учун вилоятда амалга оширилаётган йирик инвестиция лойиҳалари билан танишиш, истиқболли йўналишларда ҳамкорлик имкониятларини муҳокама қилиш мақсадида ташкил этилди.
Учрашув давомида саноат, биотехнология, илмий тадқиқотлар ва инвестиция йўналишларида амалий ҳамкорликни йўлга қўйиш масалалари атрофлича муҳокама қилинди.
Томонлар келгусида ўзаро манфаатли лойиҳаларни амалга оширишга қизиқиш билдирди.