Ички ишлар вазирлигида Наврўз умумхалқ байрами олдидан хайрия ҳашар тадбирлари ташкил этилди
2024-03-16 13:00:00 / Янгиликлар
Наврўз умумхалқ байрами олдидан, Ички ишлар вазирлигида хайрия ҳашар тадбири кўтаринкилик билан бошланди.
Эрта тонгдан ходимлар ўзларига бириктирилган ҳудудларда ариқ зовурларни тозалаш, дарахтларни оқлаш, янги кўчатлар экиш, атрофни чиқиндилардан тозалаш каби ишларни амалга оширишди.
Бу каби ҳашар тадбирлар ҳудудларни ободонлаштириш баробарида эпидемиологик осойишталикни сақлаш шунингдек, жамоанинг бир тану бир жон бўлиб хизмат қилишида муҳим аҳамият касб этади.
Эзгулик ва ҳамжиҳатликка йўғрилган ободонлаштириш тадбирлари муқаддас рўзайи рамазон ойида Республикамиз бўйлаб, ҳудудий ички ишлар органларида ҳам кўтаринкилик билан давом этади.