Самарқанд вилояти ИИБ тиббиёт бўлими ходимлари сана муносабати билан тақдирланди
2024-11-13 10:05:00 / Янгиликлар
Мамлакатимизда ноябрь ойининг иккинчи якшанбаси шифокорларнинг касб байрами куни сифатида ҳар йили тантанали равишда нишонланиб келинади.
Сана муносабати билан бугун Самарқанд вилояти ИИБ тиббиёт бўлими ходимлари иштирокида уюштирилган байрам тадбирида ҳам соҳа ходимларига ҳурмат ва эҳтиром кўрсатилди.
Тадбирда иштирок этган вилоят Ички ишлар бошқармаси бошлиғи полковник Раҳмат Маматов Ўзбекистон Республикаси Ички ишлар вазирининг тиббиёт ходимларига йўллаган байрам табригини ўқиб эшиттирди.
Шундан сўнг, тиббиёт бўлимида узоқ йиллардан буён самарали хизмат қилиб келаётган бир гуруҳ ходимлар, шифокорлар, ўрта ва кичик тиббиёт ходимларига байрам муносабати билан ташаккурномалар ҳамда эсдалик совғалари топширилди.
Самарқанд вилояти ИИБ Ахборот хизмати