ИИВ раҳбарияти томонидан Фарғона вилоятида “Хавфсиз ва соғлом юрт” тезкор-профилактик тадбири доирасида амалга оширилаётган ишлар ўрганилди
2026-11-15 17:00:00 / Янгиликлар

Ички ишлар вазири ўринбосари Р.Р.Мирзаев бошчилигидаги ишчи гуруҳ томонидан 2026 йил 14 ноябрь куни республика миқёсида ўтказилаётган“Хафсиз ва соғлом юрт” тезкор-профилактик тадбири давомида, Фарғона вилоятидаги Фарғона ва Марғилон шаҳарлари ҳамда Бағдод туманига борилиб амалга оширилаётган ишлар билан танишилди.
Шунингдек, шаҳар-туман ҳокимлари билан биргаликда ушбу ҳудудларда куз-қиш мавсумида аҳолига суюлтирилган газ ва кўмирларни узлуксиз етказиб бериш масалалари ўрганилди.
Бундан ташқари, ИИБ ходимлари томонидан “Хавфсиз ва соғлом юрт” тезкор-профилактик тадбири давомида амалга оширилган ишлар билан яқиндан танишиб, бу борада келгусида амалга оширилиши лозим бўлган ишлар юзасидан тегишли кўрсатмалар берилди.
Марғилон шаҳридаги “Баҳрин” МФЙ биносига борилиб, МФЙ раиси, ҳудуд профилактика инспектори ҳамда еттиликнинг қолган аъзолари билан суҳбатлашилди
Шу билан бирга, Марғилон шаҳар ҳокимиятида ташкил этилган “Вазиятлар маркази”га бориб, марказ фаолияти, улар томонидан амалга оширган ишлар ҳамда келгусидаги режалари билан танишиб, ўз фикр мулоҳазаларини билдирди.
Шунингдек, Фарғона шаҳар “Истиқлол” стадионида “Нефтчи-Бунёдкор” футбол клублари ўртасида бўлиб ўтаётган тур баҳсларига ташриф буюриб, жамоат тартиби ҳамда фуқаролар хавфсизлигини таъминлаш борасидаги ИИБ ходимларининг фаолияти билан танишди.
Шунингдек, Фарғона шаҳар ҳудудига тунги хизматга жалб этилган профилактика инспекторлари, ЙПХ ҳамда ППХ ходимларининг фаолиятини кўздан кечириб, ходимларига хизмат ўташ бўйича қўшимча йўриқномалар берилди.






