Тошкент шаҳридаги Ғалаба боғида “Жасорат мактаблари” ўқувчиларининг тантанали “Ваъда бериш” маросими бўлиб ўтди
2026-10-15 20:05:00 / Янгиликлар
Тошкент шаҳридаги Ғалаба боғида “Жасорат мактаблари” ўқувчиларининг тантанали “Ваъда бериш” маросими бўлиб ўтди. Тадбирда Фавқулодда вазиятлар вазири ўринбосари, вазирлик ва идораларнинг масъул раҳбарлари, ўқувчилар ва уларнинг ота-оналари, фахрийлар, ОАВ ҳамда жамоатчилик вакиллари иштирок этди.
Тадбирда сўзга чиққанлар ёш авлодни Ватанга садоқат, мардлик ва жасорат руҳида тарбиялаш, уларда юксак фуқаролик масъулиятини шакллантириш муҳимлигини таъкидлади. “Жасорат мактаблари” ўқувчилар учун нафақат сифатли таълим олиш, балки мустаҳкам ирода, интизом ва етакчилик фазилатларини ривожлантириш учун ҳам муҳим имконият экани қайд этилди.
Маросим давомида ўқувчилар Ватанга садоқатли бўлиш, юрт тинчлигини асраш, халқ манфаатларига хизмат қилиш ва ўз бурчини шараф билан адо этишга ваъда берди.