Нукус шаҳрида бозорлар ва савдо объектларида хавфсизлик масалалари ўрганилиб, ҳамкорликда махсус-тактик ўқув машқлари ўтказилди
2026-10-13 10:50:00 / Янгиликлар
Фавқулодда вазиятлар вазири ўринбосари подполковник Р. Жумаев раҳбарлигида Қорақалпоғистон Республикасидаги "Нукус дехқон бозори" АЖ ҳамда унга туташ савдо объектларида тунги вақтда махсус-тактик ўқув машқи ўтказилди. Машқ давомида фавқулодда вазиятлар юзага келганда масъул ходимларнинг тезкор ҳаракат қилишга тайёргарлиги ва амалий кўникмаларини мустаҳкамлашга эътибор қаратилди.
Шунингдек, масъуллар иштирокида ҳудуддаги бозорлар, савдо-кўнгилочар масканлари ҳамда савдо мажмуаларида фавқулодда вазиятларнинг олдини олиш, ёнғин хавфсизлигини таъминлаш ва мавжуд хавфларни бартараф этиш масалалари ўрганилиб, аниқланган камчиликларни бартараф этиш бўйича аниқ топшириқлар берилди.