Ўзбекистон Республикаси Фавқулодда вазиятлар вазирлиги

Фавқулодда вазиятлар вазирининг биринчи ўринбосари полковник С.Зупаров ҳамда Сурхондарё вилояти ФВБ бошлиғи иштирокида Олтинсой туманидаги вазирликка бириктирилган “Карсаган”, “Шохча”, “Чинор” ва “Тоғаймурод” маҳаллалари раислари ҳамда “Маҳалла еттилиги” вакиллари билан учрашув ўтказилди. 

Учрашувда маҳаллаларда куз-қиш мавсумида аҳоли хавфсизлигини таъминлаш, мавжуд муаммоларни ўрганиш, фуқаролар мурожаатларини таҳлил қилиш, уларни амалий ҳал этиш, шунингдек, ижтимоий ҳимоя ягона реэстрида мавжуд фуқароларга ваколат доирасида ижтимоий кўмак кўрсатиш масалалари кўриб чиқилди.

Шунингдек, “Тоғаймурод” маҳалласида фаолият юритаётган ФВБ инспекторининг фаолияти, “Маҳалла муҳофазаси” хонаси ҳамда фавқулодда вазиятларнинг олдини олиш тадбирларига жалб этилган волонтёрлар фаолияти ўрганилди.

Масъулларга маҳаллаларда аҳоли ва ҳудудларни фавқулодда вазиятлардан ишончли муҳофаза қилиш ҳамда ёнғин хавфсизлигини таъминлаш йўналишида шунингдек, ижтимоий ҳимояга муҳтож фуқароларга амалий кўмак кўрсатиш ишларини тизимли давом эттириш бўйича топшириқлар берилди.