Жиззахда “Ватан меҳри юрагимда” шиори остида “Тўмарис издошлари – 2026” кўрик – танлови бўлиб ўтди
2026-08-15 11:25:00 / Янгиликлар
Жиззах вилоятида жойлашган “Фориш тоғ полигони”да Фавқулодда вазиятлар вазирлиги Марказий аппарати ва унинг ҳудудий (бош) бошқармалари ҳамда таркибий тузилмаларида фаолият юритаётган ҳарбий хотин-қизлар ўртасида “Ватан меҳри юрагимда” шиори остида “Тўмарис издошлари – 2026” кўрик – танловининг Фавқулодда вазиятлар вазирлиги босқичи ўтказилди.
Мазкур танловда ҳарбий хизматчи аёллар ўз касбининг ҳақиқий устаси сифатида Ватан олдидаги муқаддас бурчини садоқат ва фидойилик билан адо этиш билан бирга, оилада латофатли бека ва меҳрибон она сифатидаги улуғ масъулиятли вазифаларини ҳам бекаму кўст бажариб келаётганини кенг жамоатчиликка ибрат намунаси сифатида намоён этди.
Қизғин ва муросасиз кечган кўрик-танлов якуний натижаларига кўра, термажамоалар ҳисобида “Халоскорлар” термажамоаси фахрли 1-ўринни эгаллаган бўлса, “Фидоийлар” термажамоаси эса 2-ўринни ва “Ўтюраклар” терма жамоаси 3-ўринни қўлга киритди.
Кўрик танлов сўнгида ғолиб ва совриндорлар ташкилотчилар томонидан диплом ва эсдалик совғалари билан тақдирландилар.