Тошкент вилояти ФВББга келиб тушган хабарларга асосан, Бўстонлиқ туманида тоғли ҳудудларда адашиб қолган ва ёрдамга муҳтож фуқароларни хавфсиз ҳудудга олиб чиқиш бўйича қутқарув ишлари амалга оширилди.

Хусусан, Полвонак МФЙ, Полвонак тоғида адашиб қолган 7 нафар фуқаро, шунингдек, Оқ Тош МФЙ ҳудудидаги тоғли жойда қолиб кетган 1 нафар фуқарога қутқарувчилар томонидан амалий ёрдам кўрсатилди.

Фуқаролар хавфсиз ҳудудга эвакуация қилинди. Жароҳатланганлар йўқ.

Фуқаролардан тоғли ҳудудларда ҳаракатланишда хавфсизлик қоидаларига қатъий риоя қилиш, йўналиш ва об-ҳаво шароитини олдиндан ҳисобга олиш сўралади.