Янги таҳрирдаги "Е-inspector" ахборот дастурий комплексини амалиётга жорий этиш масалалари муҳокама қилинди
2026-08-03 17:30:00 / Янгиликлар
Фавқулодда вазиятлар органлари Давлат назорати инспекторлари фаолиятини тўлақонли рақамлаштириш, шу орқали уларнинг иш ҳажмини мақбуллаштириш, коррупцион хатарларнинг олдини олиш ҳамда тадбиркорлар ва фуқаролар учун қулайликлар яратиш борасида қатор амалий ишлар олиб борилмоқда.
Хусусан, “Е-inspector” ахборот дастурий комплекси Давлат назорати инспекторлари учун қулай, содда ва такомиллашган ҳолда янги таҳрирда қайтадан ишлаб чиқилди.
Ушбу тизимни республика бўйича амалиётга жорий этиш олдидан ҳудудлардан жалб этилган мутахассис ходимлар билан дастлабки ўқув семинари ташкил этилди.
Иштирокчиларга амалиётда тизимдан тўғри фойдаланиш, киритилган ўзгартириш ва қўшимчалар, яратилган қулайликлар, рақамлаштириш босқичига ўтаётган ҳужжатлар, назорат-кузатув ишлари, автоматик рўйхатга олиш, маҳаллаларни тоифаларга ажратиш модуллари тушунтирилиб, асосли таклиф ва фикрлар муҳокама қилинмоқда.
Ўқув-семинари давом этмоқда.