ФВВ қутқарувчилари томонидан Бухоро вилоятидаги ёнғиндан 3 нафар фуқаро қутқарилди, 7 нафар фуқаро хавфсиз ҳудудга эвакуация қилинди
2026-07-15 11:15:00 / Янгиликлар
Хабарга асосан Фавқулодда вазиятлар вазирлиги қутқарув бўлинмалари зудлик билан ҳодиса жойига етиб боришган. Ёнғин 03:46 да ўраб олиниб, 04:40 да тўлиқ бартараф этилган.
Қутқарувчиларнинг тезкор ва профессионал ҳаракатлари натижасида ёнғин содир бўлган хонадондан 3 нафар фуқаро соғ-саломат қутқарилди. Шунингдек, ёнғиннинг қўшни уйларга тарқалиши хавфини инобатга олган ҳолда 7 нафар қўшни фуқаро хавфсиз ҳудудга эвакуация қилинди.
Ёнғин оқибатида хонадоннинг тахминан 50 квадрат метр майдонида пол қисми, деворлар ҳамда уй ичидаги айрим жиҳозлар ёнган. Қутқарувчиларнинг саъй-ҳаракатлари туфайли эса тахминан 650 квадрат метр майдон ва ёнғин тарқалиши мумкин бўлган қўшни уй-жойлар сақлаб қолинди.
Ҳодиса оқибатида тан жароҳати олганлар йўқ.
Айни вақтда ёнғиннинг келиб чиқиш сабаби ва етказилган моддий зарар миқдори аниқланмоқда.
Фавқулодда вазият юзага келганда дарҳол "112" ягона тезкор рақамига мурожаат қилинг!