ФВВ Академиясида “Аждодлар изидан” интеллектуал танловининг вазирлик босқичи бўлиб ўтди
2026-06-26 21:20:00 / Янгиликлар
Бугун, 26 июнь куни ФВВ Академиясида ташкил этилган ушбу тадбирда Ўзбекистон ёшлар иттифоқи Марказий Кенгаши, Академия раҳбарияти ва профессор-ўқитувчилари, ҳарбий хизматчилар, курсантлар ҳамда оммавий ахборот воситалари вакиллари иштирок этди.
Танловда, ҳудудий босқичларда ғолибликни қўлга киритган 18 ёшдан 30 ёшгача бўлган ҳарбий хизматчилар жами 14 та жамоалар ўзаро беллашди.
Қизғин давом этган беллашув якуний натижаларига кўра:
1-ўрин: "Навоий кон-металлургия комбинати” АЖ ва "Навоийуран" ДК объектларида фавқулодда вазиятлар маркази;
2-ўрин: “ЛУОК” ҲК МЧЖ объектларда фавқулодда вазиятлар маркази;
3-ўрин: Андижон вилояти ФВБ жамоалари қўлга киритди.
Ғолиб ва совриндорлар Фавқулодда вазиятлар вазирининг эсдалик совғалари ва дипломлар билан тақдирланди.
Шунингдек, ғолиб жамоага вазирлик ва идоралар ўртасида ўтказиладиган “Аждодлар изидан” интеллектуал танловининг якуний босқичида иштирок этиш учун йўлланма топширилди.