Бекобод туманида манзилли дастур асосида амалга оширилаётган қирғоқни мустаҳкамлаш объектларида ўрганиш ишлари олиб борилди
2026-06-18 14:05:00 / Янгиликлар
ФВВ Махсус муҳандислик-қурилиш бошқармаси бошлиғи томонидан Тошкент вилояти Бекобод туманида манзилли дастур асосида амалга оширилаётган қирғоқни мустаҳкамлаш объектларида ўрганиш ишлари олиб борилди.
Ўрганишлар Бекобод туманининг "Қолғонсир" ва "Қуштамғали" МФЙлари ҳудудларида амалга оширилаётган қирғоқни мустаҳкамлаш объектларини қамраб олди.
Жараён давомида масъулларга қурилиш-монтаж ишларини белгиланган муддатларда, сифатли ва амалдаги талаблар асосида якунлаш юзасидан тегишли кўрсатмалар берилди.
Мазкур тадбирлар ҳудудларда хавфсизликни таъминлаш, сув объектлари қирғоқларини мустаҳкамлаш ҳамда сел ва сув тошқинлари хавфини камайтиришга хизмат қилади.