Тадбирлар давомида чўмилиш тақиқланган ҳудудларда дам олаётган фуқаролар ва назоратсиз қолган болалар билан тушунтириш ишлари олиб борилмоқда. Катер, гидроскутер ва бошқа кичик ҳажмли сузиш воситалари эгалари билан хавфсизлик қоидаларига риоя этиш, қутқарув нимчаларидан фойдаланиш ҳамда хавфли маневрларга йўл қўймаслик юзасидан суҳбатлар ўтказилмоқда.

Шунингдек, амалий ўқув машғулотлари давомида сувда чўкаётган шахсни қутқариш усуллари, қутқарув анжомларидан тўғри фойдаланиш, биринчи тиббий ёрдам кўрсатиш ҳамда юрак-ўпка реанимациясини бажариш тартиби амалий тарзда намойиш этилди. Фуқароларга фавқулодда вазиятларда тўғри ҳаракат қилиш кўникмаларини шакллантириш мақсадида мутахассислар томонидан зарур тавсиялар берилди.